12 Հուլիս 2019
Ֆրանկոֆոնիայի Բուլվարի և ընտանեկան սպորտային համալիրի բացման հանդիսավոր արարողությունը Մասիսում
2019 թվականի հունիսի 25-ին, Մասիսի զարգացման հիմնադրամը, AFFA (Adibekyan Family Foundation for Advancement)-ի աջակցությամբ, Արարատի մարզի Մասիս քաղաքում պաշտոնապես բացեց Ֆրանկոֆոնիայի Բուլվարը և ընտանեկան սպորտային համալիրը: Միջոցառումը կազմակերպվել էր Մասիսի երիտասարդների նախաձեռնությամբ և որպես նպատակ հետապնդում էր Ֆրանկոֆոնիայի երկրների հետ միջազգային հարաբերությունների ընդլայնում: Բացման արարողությանը մասնակցում էին ՀՀ կառավարության և տեղական ինքնակառավարման մարմինների, միջազգային և հասարակական կազմակերպությունների, դեսպանատների, տեղական և արտասահմանյան լրատվամիջոցների ներկայացուցիչներ: Միջոցառումը նման լայն արձագանի արժանացավ AFFA հիմնադրամի և Մասիսի զարգացման հիմնադրամի կողմից իրականացվող երկարաժամկետ նախագծերի շնորհիվ: Այդ նախագծերից են՝ ընտանեկան սպորտային համալիրի կառուցումը, որը միտված է երեխաների և մեծահասակների շրջանում սպորտի և առողջ ապրելակերպի առաջխաղացմանը, և Ֆրանկոֆոնիայի Բուլվարի կառուցումը, որպես մշակութային, ժամանցային և միջազգային հաղորդակցության ծրագրերի կազմակերպման կենտրոն: Երկարաժամկետ ծրագրերից է նաև Մասիսի դպրոցներում ֆրանսերենի խորացված ուսուցման կազմակերպումը, ինչպես նաև Երիտասարդական կենտրոնի կառուցումը, որը աջակցում է երիտասարդական նախաձեռնությունների իրականացումը, և երիտասարդության շրջանում ինքնակառավարման և առաջնորդության հմտությունների զարգացմանը: Բացի վերոնշյալ նախագծերից, ծրագրված է նաև Մասիսում ԹՈՒՄՈ ստեղծարար տեխնոլոգիաների կենտրոնի հիմնում, որը ունենալու է ֆրանսիական ուղղվածություն:
